الثلاثاء، 11 سبتمبر 2012

كيف تجلطي جوزك في رمضان؟



كيف تجلطي جوزك في رمضان؟




عزيزتي المرأة، بما إنك تخصص في تعصيب الزوج وعكننة مزاجه، حبيت أشاركك بالجريمة وأدلك عالخير. شوية شغلات بترفع ضغطه:
قبل كل شي امسكي المنبه إلي رابط للسحور وغيري، واتهمي إنه مش مزبطه وإنك تأخرتي بالنومة لأنه المنبه ما رن وهو الغلطان طبعا،، نبلش الحرب:1- نبهي عالسحور بطريقتك الخاصة، بصوت عالي وضربتين عالكتف وقبل ما تنبهي اجري لك شوية بالبيت عشان صوتك يلهت راح يفكر إنه في مصيبة بالبيت ( أبو حسن قوم قوم يا زلمة بسرعة يا الله)

2- لما يصحى مفزوع اقلبي الحنية وصباح الخير حبيبي (كتير وقتها راح يستظرفك)

3- إذا متلا جوزك بحب الشاي عالسحور حضري كل شي وخلي الشاي عنار هادية (
شو دخلني هو أنا غاز
؟)

4- إذا طلب شغلة ناقصة عالسحور امسكي ابنك الصغير وتحججي إنك بتطعمي فيه عشان تتأخري

5- يا عيني عليكي تكون مخلصة أغراض السحور ويصحى يلاقي الدار قحط (والله يا زلمة الدنيا رمضان نسيت أقلك تجيب لنا جبنة وووو ... يا الله قضيها زعتر وماله الزعتر نعمة كريم)

6- بلشي زنة الطلبات بعد السحور مباشرة (
شو بدي أقول يا أبو علي
اليوم الأولاد طلبوا حمص وأنا جاي عبالي سمبوسك والشامبو خلص وحسن كسر باب الغسالة و.... بالمختصر سمي بدنه عالأكل إلي أكله راح يحرم يتسحر)

7- لما يروح عالصلاة ويرجع بدو ينام اسأليه شو لحقتوا تروحوا؟؟ عشان كتير وقتها بكون اشتاقلك وروح جري عالدار يختي

8- معظم الشباب بناموا الصبح عشان يمشوا الوقت، إنتي عاد قبلة نظيرة طب عليكي النشاط والنظافة الصبح بدك تعزلي المطبخ وابدي رقعي وخبطي بالصحون والطناجر (يا زلمة خليني أشتغل والدنيا الصبح براد قبل ما أخلص طاقتي) علي الجيرة فيكي طاقة تهدي جبال

9- يا حبذا تحطي ابنك الصغير ينام جنب أبوه يعني عشان لما يصحى يطرب أبوه ( واااااع واااااااع ) ويصحى من نومته مكيف منك

10- خلصتي تنظيف البيت بلشي بتنظيف الحمام لما تحسي قام من الغرفة (
يا سلام شو راح يكون ضغطه وقتها
) شو أعمللك دوبي خلصت البيت وباقي الحمامات تجي تعملهم عني؟ ( خليني مستني أحسن)

11- لما يروح العصر تعبان وجوعان يفضل يكون هادا وقت الغذاء للأطفال المفطرين في البيت (
وما تقصري بالتسخين والروائح الملاح
) خلي يفرفط من جوعه وأهم شي العصير البارد خلي الأولاد يتغذوا منيح

12- قبل المغرب بساعتين افتحي مجلد (
شو بدنا نطلخ بكرة؟
) ابدي عاد قلبي مواجعه بالأكل ويا سلام لو نطبخ الطبخة الفلانية والله هداك النهار لما طبخنا كزا كان زاكي وزاكر طعم المشاوي ولا ريحتهن؟ وشو رأيك نجيب عصير متلج ووووووووو افقعي مرارته من الجوع

13- لما يجي وقت الأكل، حوشي لك خبر نكد سمي بدنه في قبل ما يبدأ ياكل، ويا سلام لو كان الخبر بدو
دفع مصاري
(احتمال توصل مخاطر هادي العملية لجلطة)، التلاجة خربت، أم فلان عملت عملية بدها مطلة، من الآخر سدة نفس ويا عيني لو خليتي موعد لتغيير بامبرز الولد الصغير قدامه 

14- لما يجي عليكو ضيوف بعد المغرب، بكون أبو الشباب معدته في حالة انتفاضة وقرب يولد يعني، ابعتي له ابنك الصغير يقعد بحضنه يؤبر قلب أبوه شو بحبه


عزيزتي الزوجة بلاش أكمل بكفي اليوم، لأنه بهيك بأكون ضمنت لك طلاق بالـتلاتة عالعيد، وهاي أحلى عيدية






مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)